昔日東方政情：懸空8個月 大埔區會副主席仲未選
大埔區議會副主席懸空長達8個月，然而替補人選一直都無法透過程序產生。尋日該區會再度召開大會舉行選舉副主席議程，不過主席毛家俊話提名候選人方面仲未傾掂數，而大會必須有主席同副主席在場，結果發生第4次流會。
兩人擬競逐 但提名不足
民主派大埔區議員譚爾培同區鎮濠都有意競逐副主席，但一直都攞唔到最少3票嘅提名。毛家俊話，當前副主席劉勇威「退位」後，一直都有奉勸兩位「潛在」副主席人選坐低傾，但仍未傾掂數。
東區區議會同樣喺尋日召開大會，選舉正、副主席，但網頁顯示大會延期。自從區議員辭職潮後，當區建制派、民主派各佔3席，雙方僵持之下亦未能選出正、副主席，以致第6度流會收場。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
