昔日東方政情：陳家珮快測中招 喉痛輕微發燒
再有議員「中招」！議員陳家珮（Judy）尋日喺社交平台貼文，話前日朝早出門前，快測結果並冇染疫，直至前晚有感不適，自行再做快測，發現確診，已呈報至政府平台，而家庭事務方面已安頓好。據了解，子女會暫託家人照顧。佢話現正居家隔離，身體情況穩定，有輕微發燒同喉嚨痛，有待完成隔離，重新投入服務。
立法會秘書處尋日接獲4宗確診個案，當中包括Judy，話佢最近喺8月31日返回中信大廈，主要逗留喺13樓議員辦事處，當日嘅快測結果係冇感染病毒，而佢嘅辦事處職員尋日嘅快測結果亦都係冇染疫。另外，秘書處檔案館、保安組同秘書處一名外判清潔工亦「中招」。自今年1月第5波疫情至今，同立法會有關嘅感染個案共376宗。
近日曾與官員議員同場
Judy前日曾出席公開活動，同場有文化體育及旅遊局局長楊潤雄。上周六曾出席紀念館嘅揭幕典禮，同場有特首同多名議員，包括容海恩、朱國強、葛珮帆同林健鋒等，而喺上周五曾喺筲箕灣愛東邨舉辦其辦事處開幕禮，出席人士有行政會議召集人葉劉淑儀同勞工及福利局局長孫玉菡等。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
