政情：黃錦星陸恭蕙撐環保未停步

其實近10年間，香港嘅主要空氣污染物已經大幅改善約40%至60%，能見度同時明顯提升。黃錦星多謝陸恭蕙主編本地首份《香港清新空氣藍圖》，當中關鍵新政，包括大規模淘汰數以萬計嘅老舊柴油商用車、立法規定遠洋船泊岸轉油等政策，當時都領先鄰近城市。

黃錦星離開政府後，都見過唔少環保組織同埋一啲推動環保嘅前同事，今次就話樂見各政府部門喺城市規劃同基建項目中逐步加強生物多樣性主流化，例如渠務署將排洪河道活化綠化、全面淘汰象牙貿易、歷史性以非原址換地長遠保育高山濕地大埔沙羅洞等。雖則兩名環境局官員已離開熱廚房，但都承諾喺民間不同崗位繼續推動環保。