政情：旅英遭審問唔畀入境 民陣司儀兩爆驚恐症

鍾勵君接受傳媒訪問時透露，近日打算從荷蘭入境英國，關員質問佢多年來有否因為參與示威而與警察有任何麻煩，佢回答冇，稱擔心自己會面對政治迫害，因此唔會回港，但強調只係到英國旅遊，並已購買離境機票，但關員唔相信佢入境後會離開，質疑佢從未因香港示威而遭受迫害，斷定佢唔係純粹嘅旅客。

鍾勵君就質疑英國當局唔公平，稱自己並非申請政治庇護，指純粹作為一個美國公民，喺香港住咗咁多年之後，依家唔鍾意想離開，喺返美國住之前環遊世界，咁都唔可以？鍾指自己當然冇咁講，但佢覺得，如果對方強調公平，呢一點已係唔公平喎。