政情：「深潛」9日終蒲頭 歐家榮不置可否

自從上月25日之後，歐家榮連續多日缺席疫情記者會，一度引起市民關注。有傳言話佢因同住家人確診而被列為密切接觸者，亦有消息指佢染疫而需隔離。「深潛」咗9日，歐家榮尋日終於現身，出席記者會交代疫情進展。喺記者會上歐家榮遭到在場傳媒兩度追問，之前係咪確診？同埋中招係咪同工作有關？佢無直接回應，淨係話多謝大家關心，仲話呢個係疫情簡報會，唔適宜回應自己或者個別嘅情況咁話。

睇番早幾日，政府專家顧問、港大微生物學系講座教授袁國勇出席一個講座嘅時候，投影片入面都有出現包括歐家榮在內嘅巡樓合照，而袁更話，祝歐家榮早日康復。