政情：陳家珮 梁熙開議辦「打對台」

話說陳家珮就喺愛東邨開咗個辦事處，咁啱位處喺梁熙同管浩鳴附近，佢就話唔係專登開喺隔籬嘅，個位純粹係咁啱抽番嚟，唔係打對台，又話新選制下大家都係互補，始終喺大是大非問題上，大家都係有溝通咁話，相信無咩議題會有太大衝突喎。佢相信大家都係服務市民，唔會「爭生意」。況且兩個黨熟悉嘅範疇都唔同。加上，地區服務都係差唔多，相信咁樣擺埋一齊「係協同效應大於競爭」。陳家珮又話，有時一個政黨把聲唔夠，多個政黨一齊發聲，會好啲咁話喎。

議員葉劉淑儀就話樂見喺呢度開新嘅辦事處，慨嘆過往參選港島區，又嚟過好多次愛東邨都無辦事處提供服務，好彩依家有喇！佢仲話希望辦事處開幕之後可以為附近嘅居民做多啲工作喎。