昔日東方政情：陳健波寄語年輕人：肯努力有出頭天
過去嘅香港，有人形容係「遍地黃金」，但近年出現嘅移民潮，似乎反映香港已經褪色，不過議員陳健波（波哥）就認為香港仍然係機會處處，年輕人肯努力必有出頭天，佢仲話廿幾萬港人移居海外，其實係騰出大量職位空缺，係年輕人上位嘅機會。
曾講過自己已屆「收成期」嘅波哥，喺一個訪談節目中提到有反對派KOL散布不實言論，話好似波哥呢一代年逾花甲嘅人，過去所身處嘅時代「邊個都會成功」，暗指香港今非昔比。
最終視乎如何掌握時代
波哥反駁話，若果此言屬實今日就唔會咁多老人問題，反而係個個都發咗達！其實佢好多同輩嘅朋友都仲係過緊中下層嘅生活咋。佢話是否成功，最終都係視乎個人努力，同埋如何掌握時代。
波哥認為，今日嘅香港依然好多機會，譬如不知幾多投身資訊科技嘅年輕人，只係30歲就發咗達，仲有人40歲就話退休添。
波哥話唔應該一竹篙打一船人，指摘年輕人不濟。而佢就見到香港有好多好叻、能力好強嘅後生仔，問題係有無引導佢哋走向正確嘅道路。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
