政情：林健鋒推銷藍雪櫃 供熱心人捐贈

林健鋒貼文解釋，話藍雪櫃係供社會上嘅熱心人士，捐贈或贊助任何毋須冷藏嘅食品或用品，畀社區內有需要人士各取所需，佢又話藍雪櫃共有兩個，一個喺吳松街，另一個就喺文苑街，呼籲大家經過的話不妨支持一下。

講起捐贈物資，佢尋日聯同經民聯油尖旺支部嘅黨友同義工隊，喺佐敦向街坊派發月餅同酒精搓手液，提早為大家送上中秋佳節嘅祝福。提起中秋就想到團圓，佢希望「逆向隔離」能符合內地抗疫標準，畀逆向隔離人士毋須完成內地「7+3」隔離，為內地同香港通關進度邁前一大步。