政情：率團訪泰 陳克勤唔怕賣豬仔

陳克勤今次出門，事緣其所屬政黨趁住立法會暑假休會期間，組織議員黨友分三團到訪東盟國家「唱好香港」。而陳克勤就會聯同陳恒鑌、周浩鼎等團友，前往泰國同越南，拜訪當地商會及青年團體等，預計行程為期一個多禮拜。儘管泰國都係被指涉及「賣豬仔」嘅國家，但陳克勤認為騙案屬個別事件，如果喺當地遇到相關機構，會反映事件。佢話其所屬政黨至今收到3名港人求助，兩人已回港，一人已交政府相關部門跟進，又指其收到嘅個案基本上已經處理咗。

至於作為團友嘅周浩鼎，就話到訪泰國同越南將會推廣香港嘅專業法律服務，冀為港帶來商機。