政情：返「娘家」派開學包 蕭嘉怡打完卡快閃

曾任中西區區議員嘅蕭嘉怡，5年前加入政府擔任政務司司長政治助理直至今年4月辭職，但早前又獲政府委任為教育局局長政治助理。由於教育局日前要求學生哥踏入校門之前，必須進行快速抗原測試，而蕭所屬嘅政黨就為有需要嘅家庭準備咗一批內含快測包嘅「開學包」，於是佢就返回所屬政黨總部出席相關活動。

雖則話相關物品會送至全港18區，但數量只得3,600份，到底教育局會否向全港學生派發檢測包呢？蕭嘉怡只係丟低一句趕住開會，就閃人嘞。