政情：容海恩試玩無人機 推薦畀囡囡學飛

呢次比賽係學界盛事，參賽嘅中小學生都表現得好好，佢哋操控嘅無人機可輕鬆穿越唔同障礙物。Eunice一場嚟到都唔執輸，即刻試玩吓，但玩咗幾分鐘，都只係叫做勉強控制到部無人機「上上落落」咋！Eunice見在場嘅小朋友都玩得咁勁，都感到驚嘆，話會推薦畀細囡玩。被問到驚唔驚囡囡年紀太細，玩無人機太危險？佢就話呢類型無人機好輕盈，即使撞到都冇大礙，最多咪戴護目鏡囉！

依家立法會放暑假，Eunice計劃同老公袁彌昌去菲律賓玩幾日。佢早前登報同袁弓夷斷絕「爺媳」關係，當時都話佢老公理解，而老公事後亦話無論佢本人同佢爸爸都話理解，依家仲話一齊去旅行，睇嚟件事真係無損兩夫妻感情喎。