政情：陳紹雄化身友師 分享成功秘訣

政府講過友師唔單止要教導初中生職場經驗、理財技巧，成功嘅秘訣當然要講；遇到乜嘢挫折、點樣起番身更加要講。

陳紹雄日前出席一個活動，係有關大專生職場體驗，當場諗起政府即將推動嘅計劃，話兩者都有類同嘅地方。佢仲化身「友師」，喺致詞時都分享咗自己嘅人生經歷同職場經驗。

細個住喺閣樓板間房嘅佢，中學成績麻麻，中五畢業後選擇喺理工學院，即香港理工大學嘅前身修讀電機文憑課程 （類似依家嘅副學士），修畢文憑同高級文憑課程後，爭取機會入讀香港大學，經歷多年打拚，一直以「不怕蝕底」、「我做得到」同埋「機會留畀有準備嘅人」嘅信念，逐步晉升到上市公司管理階層。佢希望呢啲經歷，可能帶畀年輕人啟發。