政情：獲任青發會副主席 梁毓偉難忘面試回憶

青發會嘅副主席原本係梁宏正，而佢已加入「熱廚房」，出任民政及青年事務局副局長，所以梁毓偉係接替梁宏正嘅。梁話會聯同其他委員繼續「拍住上」，接觸更多青年了解佢哋嘅諗法，同埋作為青年橋樑傳遞心聲，希望喺協助制訂同執行青年發展藍圖方面發揮更大功能，為青年提供更多機會、發展方向同計劃。

梁毓偉又話7年前佢以香港青年協進會主席嘅身份，聯同10多間青年團體，同青年事務委員會合作舉辦粵港暑期實習計劃，事後以增選委員身份加入青年事務委員會，喺翌年成為大會委員。佢話由青委會過渡到青發會至今，期間參與制訂多個青年發展項目，留下唔少難忘回憶，譬如曾喺一星期內連續6日，每日朝9晚6為實習計劃做評審，面試有意參與實習計劃嘅機構，而類似嘅面試馬拉松已連續4、5年進行，每次都費盡心力揀選最適合機構，以豐富青年人生閱歷。