昔日東方政情：靠虛擬操作 邱達根走進珍寶海鮮舫
承載港人回憶嘅珍寶海鮮舫船體已破損，並擱置喺海底礁盤上，上層建築亦已解體，令唔少港人心碎，但係科技創新界議員邱達根（Duncan）竟然可以入返去海鮮舫。咁神奇？
內外瑰麗建築再現
當然得喇！喺虛擬世界，有乜嘢唔得！其實Duncan早前參加咗一個體驗活動，透過遊戲再次見到珍寶海鮮舫內外瑰麗嘅中式建築，佢聽完遊戲嘅簡介之後，仲即場設計咗自己嘅分身公仔，由分身公仔走入虛擬嘅珍寶海鮮舫入面，仲大讚係好有趣的體驗嚟。
以前已經有人設計咗一個網上遊戲，畀市民用電腦操作點樣避開啲狂風暴雨，避免海鮮舫沉沒，依家呢個遊戲直情可以走入海鮮舫，將舊日嘅光景重現眼前，相信會吸引唔少人。
由於冇新經營者，珍寶海鮮舫喺6月中由拖船擬移至柬埔寨，可惜喺途中遇上惡劣天氣而傾覆。早前有消息話，由於海鮮舫船體破損並沉沒至礁盤，船身嘅上層建築已解體，僅潮退水位下降時，部分船底先露出水面。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
