政情：移除雜物陣 郭偉强驚見天橋藏石躉

郭偉强話糖水道天橋畀拾荒者雜物堆積嘅問題已有一段日子，由初頭嘅一個拾荒者，跟住又惹嚟其他拾荒者聚集，佢亦長期向當局反映同跟進，尋日嘅行動已係兩個月以嚟嘅第5次，兼且係最突出嘅一次，仲有民政事務專員親自落去督導有關行動，執走咗好多嘢，終於見番條路。

呢個問題已經存在咗好耐，郭偉强都話之前啲部門都拖咗一段時間，之前嘅成效冇咁理想，而喺政府成立咗4個工作小組，包括埋衞生小組之後，部門喺處理天橋堆放雜物嘅問題就積極咗啲。雖則尋日嘅行動令天橋見番條路，但佢話啲拾荒者之後可能仲會返嚟，所以問題未解決，相關嘅部門仲要繼續做嘢。