政情：簡慧敏望雲見鼠相 滅之而後快

擔任「清潔大隊長」嘅政務司副司長卓永興，喺早前就展開咗為期3個月嘅打擊衞生黑點計劃，雖然佢不停解畫話呢次行動唔係做騷，仲話有後續行動，但仍然令人質疑成效，事關全港點止600個黑點呀？尤其鼠患咁嚴重。

Carmen喺社交平台貼文同上載咗張相，劈頭第一句就話「消滅老鼠」，佢上載嗰張相係前日喺山頂影到嘅日落，又問「大家認為像不像『火燒老鼠』 ？」之後亦多句「麻鷹捉老鼠」。

話時話，單係去年政府就投放咗7.31億元公帑，金額創過去5年新高，但年內僅收集死鼠同捕獲活鼠67,182隻，即平均每隻開支逾一萬港元。Carmen話署方預今年度防治蟲鼠開支將進一步增至7.51億元，所以大家要齊心協力滅鼠，將捉老鼠嘅成本壓低。咁就要睇吓政府仲有乜法寶嘞？