政情：胡英明確診 連日發燒需隔離

廉署話胡英明最近一次上班日期係上周五，喺工作時有佩戴口罩同遵守有關防疫措施，包括每日進行快測，結果係冇確診，最近亦冇外遊紀錄。廉署會為相關辦公室進行徹底清潔同消毒，亦會繼續嚴格執行各項防疫措施，以及遵照衞生防護中心嘅建議，安排相關職員接受檢測。

另外，議員楊永杰尋日喺社交平台貼文，話佢嘅議員辦事處一名職員尋日進行快速測試後結果係「中招」。佢話嗰位職員最後返回金鐘中信大廈15樓辦事處工作日期係8月17日，而佢本人同其他辦事處職員喺過去兩日嘅核酸結果同尋日嘅快測結果都係冇染疫，但為咗謹慎起見，佢哋尋日都已經做咗核酸測試，亦會每日繼續進行快測。