昔日東方政情：劉國勳確診第5天 重見一線
疫情肆虐，唔少政界人士不幸中招，立法會新界北議員劉國勳就喺上周一（15日）發現確診，隨即居家隔離，直至尋日做快測結果先至「重見一線」，可以話康復在望。之不過，呢幾日佢嘅隔離生活究竟係點過嘅呢？
謹慎起見 隔離多兩日
劉國勳喺社交平台表示，確診後病徵不強，主要有咳嗽，只係服用咗一般嘅成藥，佢亦都展示佢「重見一線」嘅檢測棒。但為咗謹慎起見，佢話嚟緊嘅兩日，都會繼續隔離，直至好番為止喎。
佢接受查詢時亦笑言，雖則話呢幾日喺屋企休息多咗，但連日來都有接受網上同電話訪問，部分工作安排稍微被打亂，會再編排行程，繼續服務市民，佢話身體方面暫時都冇咩大礙，遲啲會去睇中醫調理身體。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
