政情：廖添誠入熱廚房 與妻各有各忙

郭芙蓉尋日出席一項青年活動推廣時，話佢同老公廖添誠都有大量工作跟進，尤其是有關創科嘅範疇，又形容佢哋每日都過住好「充實」嘅生活。

講到青年嘅發展，佢話香港雖然出現移民情況，但強調香港青年要自強，有發展優勢就唔驚冇人嚟，因為全世界都請緊創科人才，又話香港亦都可以發展創科產業鏈，年輕人仲有好多選擇。同場嘅港大校董會委員譚鎮國就希望透過一系列活動以掌握青年人嘅真實諗法。為咗收集意見以及聚焦互動，會舉辦一啲研討會及焦點小組等，佢話身邊有移民嘅人已陸續回流香港，畢竟想回流嘅港人都認為香港係最適合發展嘅地方之一喎。