政情：工作至上 容海恩嘆錯過囡囡成長

容喺節目中，指自己雖高舉家人第一，但實際上並唔容易，因為公務上好難調整到，例如要與唔同嘅地區組織開會，都要作出取捨。佢又話，兩個囡囡都係由工人同家人照顧，承認同小朋友相處時間好短，因為返工時間同小朋友作息錯開，惟有返工後或者食晏時間衝返屋企見一見。佢話有感錯過囡囡嘅成長，例如小朋友去公園、去圖書館同其他小朋友互動，佢就錯過晒呢啲開心嘅環節。

訪問中，容形容自己係愛玩嘅人，尤其喜歡打機；亦透露小五曾留班，皆因冇乜讀書，到會考成績較差，覺得好大挫敗。不過，佢又話讀書差無所謂，抵得諗先緊要喎。