昔日東方政情：學生哥在水機洗手 李清霞嬲嬲
唔恰當咁使用斟水機，行為令人側目。東區區議員李清霞，日前喺快餐店用膳嘅時候，目睹有人利用斟水機洗手，對方仲係中學生添！激到佢係社交平台貼文，質問到底現時家長、老師、社會嘅公民教育何在。
網上貼文質問引共鳴
李清霞日前到炮台山辦一啲事務，期間見時間尚早，於是步入某快餐店歎個早餐，並坐喺幾位學生嘅旁邊。雖素未謀面，但李清霞好快就得悉佢哋原來啱啱升中一，其中兩位同李清霞坐得比較接近嘅學生品嘗熱香餅，沾得滿手糖漿。
李清霞見狀隨即遞上濕紙巾，然而其中一人戴上口罩離坐，李清霞以為佢打算前往洗手間，殊不知對方竟移步至斟水機洗手。大呼出乎意料嘅李清霞當然眼火爆啦！
李清霞嘅貼文得到部分網民嘅共鳴，有人慨嘆咁話「學好三年，學壞三日」。另外，亦有人留言表示，教育應該係學校同埋家庭相輔相成，家長嘅身教都係好重要。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
