政情：特殊學生融入社會 馬時亨盼教局提供支援

馬時亨指特殊學校嘅教職員都克盡己職，但教學上能配合科技應用就更好，尤其是智障同學需重複灌輸知識，所以早年佢曾向特殊學校議會建議，引入機械人並配合相關教學軟件以協助授課，結果議會喺2016年獲某慈善基金批出一筆款項，發展一項有關機械人嘅3年計劃，目前已有多間特殊學校、中小學同幼稚園受惠。至於特殊學生畢業後嘅出路，馬時亨指輕度智障者亦可發揮所長，冀社會各界唔好將佢哋遺忘。

同場出席活動嘅香港特殊學校議會主席梁永鴻校長，認為一般輕度智障學生如得到教育、培訓同發展機會的話，可透過就業融入社會。可惜社署轄下某啲單位如日間工場，提供嘅工作崗位並不足夠，冀新一屆政府能更關注特殊學生嘅需要。梁又提到，特殊學校有好多類別，除咗智障嘅同學，其實亦有學生智力正常，但需要情緒支援；又或者肢體同感官出現障礙等，因此特別安排亦都各異。