政情：管牧嘟嘴示愛 畀貓女冷待

話說管牧尋日喺Fb上載咗一張相，見佢唔單只親吻，又用英文寫住「I love Mimi」，仲要畀埋心心符號添！之但係Mimi就好似一臉嫌棄咁望住佢。

咁Mimi係邊個？係貓貓呀！張相完全表達到管牧對Mimi嘅愛意，但Mimi嘅反應真係可愛得嚟又好笑。

管牧透露Mimi係女仔，已經8歲啦，即係人類48歲，睇落似英短，但其實只答中一半。Mimi嘅父母都係英短，仲要係比賽貓嚟㗎，可以話係有優秀嘅基因，但係Mimi嘅基因有少少特別，係英長貓。呢個品種就比較唔受市場歡迎，所以管牧有見及此就買咗呢隻貓返屋企啦。

佢話屋企最近買咗張新梳化，Mimi好鍾意個顏色，所以成日瞓喺上面，佢打趣道張櫈已成Mimi嘅「皇椅」，所以管牧就特登走去同佢影張相。

管牧話要澄清Mimi咁嘅表情唔係代表唔鍾意佢，仲讚貓貓平時好乖，唔會亂搞破壞。管牧嘅朋友都知道佢愛貓心切，特意設計咗一套通訊軟件嘅貼圖集畀佢，全部都係管牧同Mimi嘅卡通圖像。