政情：上周打完第5針 鄧家彪確診

鄧家彪所參與嘅研究計劃，係要喺已接種兩或3劑新冠疫苗人士嘅身上，比較3款滅活研究疫苗喺人體內嘅安全及免疫反應數據，冀可推出更有防護力嘅第二代疫苗。而接受研究嘅志願人士需滿18歲或以上，冇嚴重長期病患同藥物過敏，且從未確診、疑似確診或無症狀感染2019冠狀病毒病。當鄧家彪完成接種研究嘅兩劑疫苗，加上早前已接種嘅3劑科興疫苗，佢總共打咗5針，但結果依然中招。

與鄧同一工會嘅立法會議員及其職員，尋日嘅快速檢測結果皆為沒有確診。另外，秘書處物業管理組一名職員嘅快速抗原檢測結果確診，最近返回大樓上班嘅日期為8月4日，主要逗留喺9樓辦公室並一直有佩戴口罩，同一部門其他職員已進行快速檢測，結果皆冇確診。自第5波疫情開始後，與立法會有關的感染個案共334宗。