政情：陳振英坐正財委會主席

陳振英喺社交平台貼文，話多謝立會同事嘅支持同信任，讓佢當選財委會主席，亦感謝前任主席陳健波一直對佢嘅指導。佢仲話今後會投入更多時間專注會務，積極聽取同協調議員與政府嘅意見以履行主席職責，令財委會發揮監察同審批政府開支預算嘅能力。

原本擔任司法及法律事務委員會主席嘅張國鈞，同埋房屋事務委員會主席嘅麥美娟，兩人轉跑道加入政府，分別出任律政司副司長同民政及青年事務局局長，亦令兩個委員會要重選主席，司法事務委員會日前已選出由建制派「班長」廖長江任主席，而房屋事務委員會主席選舉，秘書處亦只收到一項提名，就係身兼工務小組委員會主席嘅盧偉國，即由佢做主席喇！

至於人事編制小組委員會副主席一職，就由議員周浩鼎擔任。