政情：兩議助中招 黃丹晴：小心為妙

政府前日驗出帶病毒污染嘅地方，包括咗黃丹晴所屬嘅選區山景邨，而尋日佢就喺社交平台貼文，話議辦兩名同事確診，另一名同事就家人確診，所以議辦今日需要進行消毒。

出咗Post之後，好多網友都留言，叫黃丹晴同班議助要好好保重身體，有網友仲問佢有冇事，佢就回應話暫時冇徵狀，仲話：「我都叫中過（確診），但佢哋中咗我都危險，過一兩日冷河冇咩事我就落番嚟做嘢。」咁又係嘅，中完可以再中，都係小心為妙。