昔日東方政情：立會4議席空缺 盧偉國揚言派人出選
繼4名立法會選委界議員「轉跑道」加入政府後，4個議席空缺嘅補選安排仍未有着落。經民聯主席、議員盧偉國尋日出席一個中文徵文比賽頒獎禮後，就指經民聯會大力支持今次補選，黨內不乏有心人打算透過補選為社會服務，之不過，究竟會派幾多人角逐出缺議席呢？
梁君彥父子兵又同場
盧偉國就對此賣個關子，話依家唔方便透露會派出幾多人參選立法會補選，因為仲未知具體選舉安排，黨內亦要傾吓整體部署，但佢強調完善選舉制度後，立法會係一個能夠為市民服務、促進經濟民生嘅平台。
另外，同場出席嘅仲有「父子兵」，就係立法會主席梁君彥，以及前經民聯青委會主席、民政及青年事務局副局長梁宏正。而梁宏正致詞時亦多次強調青年工作嘅重要性，指未來要制訂青年政策同發展藍圖，青少年亦都有好多發展平台，大家都要睇番《基本法》同一國兩制嘅意義，因為兩者都係一個好重要嘅議題喎！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
