政情：立會抖暑 議員落區似跟團

究竟有乜嘢好玩呢？我哋問咗其中一位「團友」議員容海恩（Eunice），佢話其實係落去視察嘅，包括有去殯葬城睇吓進度，土木工程拓展署職員都有在場介紹；亦去咗視察修復祖屋嘅工程。不過，Eunice話當中都有輕鬆嘅部分，例如喺沙頭角品嘗地道嘅客家菜，同埋參觀一啲本地遊嘅景點，仲遇上一啲相熟嘅團體帶隊嚟玩喎。

佢話其實沙頭角、打鼓嶺一帶嘅設施均需要完善，政府唔可以淨係口講就算，反而要具體研究點樣令當地居民有更好嘅生活配套，例如着手解決當地基礎交通網絡等。另外，佢亦認為政府應該喺該區設立多啲旅遊景點，吸引更多本地同外來遊客喇。