政情：同局長拗社福 管浩鳴激動手郁郁

管浩鳴喺社交平台發文話，主要同孫玉菡討論放寬安老院舍，任何部分所處嘅高度均不得距離地面超過24米嘅限制，以及院舍人手同編制問題、家舍職員同兒童嘅1比8服務比例等。佢話香港人口老化漸趨嚴重，而安老事務好多時需要跨部門解決，期望局方同社福界合作，多互動、多溝通，逐步處理「老大難」嘅社福界問題。跟住佢又hashtag（標籤）「講起社福就激動」、「攤大手板去講清講楚」咁喎。

後尾本報問番管浩鳴，佢話討論時嘅姿勢睇落好似好激動咁啫，實際上冇嘈交，討論過程其實好融洽。佢話孫玉菡都認同好多問題需要解決，雖然唔易處理，但唔少事項都會帶番去研究一下點樣改善咁話。