政情：內訌瀕崩潰 民主黨冇乜意欲選立會

點解覺得勝算低？羅話議席出缺嘅界別嚟自選委會，並非該黨有勝算嘅界別，相信黨員嘅興趣未必會好高，又話該黨多年嚟以地區直選較強勢，同埋選民人數較多嘅功能界別，若有黨友提出考慮，佢亦唔會抗拒去討論。

被問及區議會嘅檢討會唔會影響日後派人出選，佢話，若果區議會選舉制度唔變，將繼續參選，但都要等政府最終方案出爐，先至可以考慮點樣應對。羅嘅黨友，油尖旺區議員朱子洛透露，民政專員曾向區議員諮詢區議會改革方案嘅意見，但冇提及詳情。