政情：聯合地辦開張 官員高溫照撐場

話說喺致詞之後，有記者再次問鄧點睇教育局話難以引入東南亞學生來港就讀，鄧回應話辦法總比困難多，就算香港唔做，其他地區例如新加坡都已經引入外來學生喇。對於港大之前話要求9月起就讀嘅學生，要修讀「憲法、基本法，及國安法入門」，佢唔認為會有壓力，反而話增加國安意識，百利而無一害。

雖則活動期間唔使曬太陽，但影相都需要去番光線比較充足嘅地方，見到鄧飛大熱天着住外套都成額汗，期間都不忘一直拎紙巾抹添。其實尋日都30幾度咁焗熱，依然有官員嚟撐場，包括政務司司長陳國基同教育局局長蔡若蓮。