政情：放假不休 梁君彥做立會導遊

梁君彥尋日喺社交平台貼文，話第6屆政府就職近一個月，部分副局長同政助亦喺日前履新。佢話作為政治問責官員，唔單止經常出席立法會同其轄下委員會會議，亦需要同議員保持緊密聯繫，向議員解釋政策同聆聽議員嘅意見，所以立法會可以話係官員另一個辦公嘅地方喎。

為咗協助新官員盡快熟悉立法會嘅環境，佢同立法會秘書長向其中7位問責官員介紹立法會大樓嘅設施同佢哋經常要出入嘅地方，包括會議廳、可以讓議員與官員交流互動嘅前廳，同埋傳媒採訪位置，即係咪兜等。遊立會嘅官員仲包括醫務衞生局副局長李夏茵、保安局副局長卓孝業同商務及經濟發展局政治助理李世華等。