昔日東方政情：何珮珊分享工作 學生雀躍 大有所獲
書展繼續喺會展舉行，並設有一系列活動。海關關長何珮珊同著名作家周蜜蜜，尋日獲邀到現場同小朋友分享，何仲帶埋「好拍檔」搜查犬到現場親身示範嗅查毒品同埋鈔票嘅搜查工作添，吸引約300名師生參與。互動期間，同學對海關嘅工作表示深感興趣，踴躍舉手提問，氣氛十分熱烈。
同學上台參與搜查犬隊示範
多個組織合辦「我們一起『悅』讀的日子2022」活動，何珮珊同搜查犬課人員一齊出席活動，向同學介紹海關多元化嘅工作範疇，以及海關舉辦讓青少年認識社會嘅各項活動。
期間，仲有同學上台參與搜查犬隊嘅示範，可以親身感受海關人員嘅專業。
另外，大會仲邀請文化體育及旅遊局局長楊潤雄作主禮嘉賓，佢希望年輕人能透過「悅」讀吸取知識，多閱讀中華文化嘅書籍。分享會完結後，主辦單位亦提供150元作為出席學生買書津貼，以啟發佢哋對閱讀及寫作嘅興趣，培養良好閱讀習慣。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
