昔日東方政情：又抽唔中 4黑仔提議案5度落空
今屆立法會已討論21項無效力議員議案。而立法會主席梁君彥已訂出下半年嘅會期，無效力議員議案嘅議程將會喺10月26日開始，並且已經開始接受申請。而眾多申請人當中，議員梁熙、簡慧敏、梁子穎同林順潮申請提議員議案已落空5次，可謂相當「黑仔」，而譚岳衡同陸瀚民亦分別失敗過3次同兩次，唔知佢哋到時有冇運呢？
機率相當之微
基本上每次立法會議程當中，會以抽籤形式抽出兩項無效力議員議案作討論，雖說落空次數愈多抽中機會愈大。但佢哋抽5次都抽唔中，呢個機率都真係幾微！
其實梁子穎係想傾吓「新一屆特區政府以市民樂業安居為施政目標」；林順潮想傾「推動生物醫藥科技發展」；梁熙想討論「從速為港島東區市區更新規劃進行研究、落實東區重建大綱圖及制訂重建時間表」；簡慧敏想就「為數字經濟發展和數據安全立法」提出議員議案。希望佢哋喺嚟緊嘅立法會會議吉星高照，抽中佢哋嘅議員議案啦。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
