政情：大批議席懸空 中西區會廢武功

其後楊哲安又補充話，其實佢早前已經為前日嘅會議而準備議題，只係政府認為議題改由另一個委員會討論會較為適合。至於委員會會議之以所出現無事可議嘅現象，原因相當明顯，就係大批議席懸空。佢話中西區區議會原本有15個議席，但依家包括佢在內只得3人，莫講話連大會都開到，就算係其他委員會，又有幾多人可提出議題討論呢？更何況，佢哋要兼顧埋其他辭職區議員嘅選區服務，簡直分身乏術啊！

為扭轉區議會目前陷於癱瘓嘅現象，楊哲安敦促政府必須從速改革、或重組區議會；即使今屆區議會任期已過咗一半，亦應設法填補懸空嘅議席，而不論採用補選、或委任嘅形式。佢話明白政府好注重行政立法關係，但關乎地區民生嘅區議會，亦屬於不能忽視嘅板塊，況且好似前日咁短促嘅會議，佢亦都唔想再有下一次。