政情：林振昇晒會考成績 回想人生點滴

咁就要從佢細個講起，佢話自己細個都曳嘅，成日上堂掛住「鋤Dee」，亦都曾經「唔小心」畀老師捉到，但成績都保持到嘅，一直平穩上到大學。佢又話當時社會並唔流行補習嘅風氣，所以成績未去到留班，屋企人都唔會點理嘅。之但係，畢業後佢本身想做老師，讀咗一年教學文憑就放棄啦。皆因遇着2003年沙士，經濟唔好呀，被迫要另覓新路。

所以佢讀完大學之後都要再培訓喎。佢就參加咗勞聯嘅再培訓計劃，之後識落一堆朋友，話好自然咁就做到依家，冇再諗返轉頭喇。相比起教師，佢話再培訓課程成功令唔少成年人就業，都別有一番成就感。佢仲藉此希望各位同學搵到適合自己嘅道路，活出精彩人生！

另一議員田北辰都喺社交平台貼文，鼓勵其他考生努力。佢提到只要搵到有興趣同熱情嘅事，即係選擇一份你熱愛嘅工作，呢世就無一日似係返緊工，就唔會覺得辛苦難捱。佢又用自己做例子，話自己從政係其中一樣令佢有呢種感覺嘅事，希望各位同學都搵到呢種感覺嘅目標，睇嚟田北辰今次嘅身教都幾有說服力喇！

議員梁文廣留言勉勵同學要自強，例如佢自己當年嘅公開考試成績都係一般，無法直接升讀大學，後來完成副學士繼而入讀大學修讀深造課程，最終一步一步完成服務社會嘅理想，所以佢寄語同學，畢業後出路好多，成績達標固然可以選擇心儀嘅學科，但即使未能升讀大學，都有其他升學嘅途徑，無論成績係點，出路總比困難多，只要唔放棄，最終都必定會行到自己想行嘅路，實現理想。