政情：謝偉銓化身導遊 踩入沙頭角碼頭

謝偉銓近排好似導遊上身咁，頻頻帶團出遊。佢尋日喺社交平台貼文，就好似導遊咁介紹沙頭角嘅景點。佢仲特意提到喺碼頭旁邊嘅「沙頭角之角」，最特別嗰度同時可睇到3種好唔同嘅景色，其中大前方就係已高度建設嘅深圳沙頭角地區同再遠少少嘅鹽田港，而相距只有一個淺灘，兩地水域僅以藍色浮桶分隔，潮退時行到過對面，但兩地嘅發展同建設對比就相當之大。

對於兩地嘅發展，佢好有感慨，話過往香港呢邊嘅沙頭角、吉澳同荔枝窩等，比對岸嘅深圳地區更加繁華。但依家就啱啱相反，深圳已起滿高樓大廈，亦有繁忙嘅港口設施，香港呢邊就反而少咗人聚居，好多村落都荒廢咗嘞！