政情：新冠沒完沒了 議會又有中招者

黃國指自己已接種4劑疫苗，過去一星期每日做快測，都係顯示無染疫。而佢尋日就感到有輕微感冒徵狀，打算服用連花清瘟膠囊，並監察身體情況變化。黃國前日曾出席立法會前廳交流會，並獲得分組參與律政司司長林定國同副司長張國鈞交流，而議員管浩鳴同陳曼琪，就分別坐喺黃國嘅左右兩旁。

當黃國染疫嘅消息一傳出，管浩鳴就喺社交平台貼文，祝佢早日康復；而陳曼琪就要居家隔離。話說陳尋日收到衞生署通知，指佢喺本周一曾與確診者接觸，而被界定為緊密接觸者。陳指，該名確診者係佢嘅朋友，因現時需隔離，故未能出席由今起至18日的所有實體會議、工作和活動。她表示於本月1日起每個工作天都有進行快測，所有結果都係冇確診。