政情：洪門宴不堪回首 洪為民封口

呢場喺疫情下舉辦嘅生日派對事件曝光後，洪為民甚少現身公開場合，即使出席論壇或研討會，都係以視像形式居多，而尋日佢就親赴立法會大樓出席公布問卷調查結果嘅活動。事後有傳媒問佢，若果疫情結束，會唔會再度籌辦生日派對並廣邀友好？佢話唔答假設性問題。跟住佢又被問到，民政事務局前局長徐英偉因當日嘅宴會而下台，佢有冇從中吸取教訓呢？佢就嘆咗一口氣，話唔會再作回應。

今年年初嘅「洪門宴」冠蓋雲集，包括議員、官員，出席嘉賓逾百人，後因當中有人染疫而導致事件曝光，政府亦因而落得尷尬嘅境地，徐英偉因為出席了當日嘅宴會，最終要自行辭去職務。