政情：廖長江嗌麥美娟 叫錯麥議員

話說當廖長江請麥美娟回應議員林振昇嘅提問時，不慎稱呼麥美娟為「麥議員」，會議室眾人相視而笑，廖長江發現講錯咗，立即改口叫「麥局長」。而麥美娟嘅反應都算得體，笑笑口咁話「都係我嚟嘅」。

至於議員鄧家彪，就揚言要為港青爭取一份禮物，冀當局每年都送出由香港往返內地唔同城市嘅高鐵車票，藉此感受大好山河，認識內地城市嘅偉大建設同埋各項扶貧同環保工作，而麥美娟就回應話可以考慮吓、爭取吓。對於鄧質疑列席嘅官員當中「點解冇社會福利署？」，麥美娟解釋話尋日嘅會議係以局為單位，勞工及福利局就派咗勞工處代表到場。