昔日東方政情：立會首期擴建 最遲2025年6月搞掂
立法會主席梁君彥尋日話喺行政管理委員會會議上聽取政府交代立法會大樓擴建工程，話工程中標嘅承辦商係協興工程有限公司，而協興係當年興建立法會綜合大樓嘅其中一間承辦商。第一期工程將包括新建11至14樓嘅議員樓層，同埋地下至10樓一個三角區域嘅擴建部分，將會喺今個月動工，最遲2025年6月完成，而第二期工程就包括新增會議室和搬遷教育設施，將在2025年年中展開，為期9個月。
議員樓層71%採組裝合成
梁君彥其後喺社交平台貼文，話為加快完成擴建工程，擴建的議員樓層有多達71%會採用「組裝合成方法」建造，組件先喺內地生產，然後運送至工地裝嵌；三角形區域約50%房間以同一方法建造，其餘部分亦會盡量使用預製組件。
佢話承建商、建築署同秘書處已開展擴建工程的前期工作，包括工地測量、制訂移植工地範圍內樹木、臨時交通安排、圍封工地等方案。而喺未來幾個月，會先做好毋須喺工地進行嘅工作，包括敲定擴建設施嘅布局同設計方案，實地工程預計今年年底至明年初開展。
可能因為建築署低估造價，財務委員會早先批准追加近4億元撥款。佢話亦向政府同承建商表明，行管會同其他議員都特別重視施工安全、工程進度、工程唔超支同唔延誤，並盡量減低對綜合大樓日常運作嘅影響。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
