政情：聽極地故事 黃錦星話港頂峰已過

話說分享會中，曾赴南極考察嘅港青，指旅程中驚見廢塑污染影響無遠弗屆，深感氣候變化可引致海平面上升，而危機係會影響世界各地，包括佢哋曾經踏足嘅極地。黃錦星就指減碳之旅，猶如要及早登達峰頂，之後再要趕赴山腳至「零」。其後佢又補充，2014年香港碳排放已經達峰，當年香港嘅人均碳排放6.2公噸；而近年就降至約4.5公噸，有能力爭取2050年之前實現碳中和。

然而要持續邁向碳中和，黃錦星話有賴大家幫手實踐低碳轉型。而席間就有年輕人認為，今日多咗人提升環保意識，可能要歸功於黃任內推出、宣傳珍惜資源嘅虛擬角色「大嘥鬼」咁話。