政情：無官一身輕 聶德權宅度假盡興

剛剛展開退休生活嘅聶德權，話與其出境旅遊之後，回港都係要住檢疫酒店，咁何不索性入住專供宅度假嘅酒店呢？況且香港都有好多值得遊覽嘅地方。至於佢今次入住嘅酒店除吃喝外，仲提供Cardio Training（帶氧鍛煉）嘅活動，對於有練跑習慣嘅佢而言，確係合適不過。

講起做運動，聶德權都有步出酒店，沿住尖沙咀至紅磡嘅海濱長廊來回跑步9公里。佢話維港兩岸嘅海濱長廊，沿途風景美不勝收，但略嫌有部分中斷，若果將來九龍同港島嘅海濱長廊，各自都可以完全貫通，咁就好嘞。