政情：薄鳧林一遊 謝偉銓談洋紫荊緣由

原來洋紫荊之所以「開枝散葉」，係同薄鳧林牧場旁邊嘅伯大尼修院有關。謝偉銓喺社交平台貼文指，1880年一名法國天主教傳道會神父喺鋼綫灣見到一棵樹上面嘅花好吸引，跟住就以接枝嘅方式，移植到伯大尼修院。之但係，當時被視為新物種嘅洋紫荊，其實係兩個品種雜交而成嘅混種，而非獨立嘅品種。換言之，洋紫荊本身唔會結果實，不能以種子繁殖，只能以嫁接、插枝或壓條方式移植，而昔日伯大尼修院移植咗洋紫荊嘅樹木，就成為後來香港各地洋紫荊嘅源頭。

雖然洋紫荊由1965年起成為香港嘅市花，然而伯大尼修院呢個洋紫荊嘅發源地，百年前嘅樹木早已枯萎，目前只有草地。謝偉銓引述當地負責人話，希望日後可以移植番一棵，令到斜坡位置可以重現當日嘅洋紫荊咁話。