政情：貼文講新界歷史 沈豪傑時空錯置

話說吉慶圍嘅城牆同鐵閘，今日已成新界人誓不低頭嘅象徵，而沈豪傑就指昔日滿清無奈將現時嘅新界租借予英國99年，但礙於訊息傳遞緩慢，新界原居民並唔知道滿清已經同英國簽訂《展拓香港界址專條》，其中錦田嘅鄉民頑強抵抗直迫家門嘅英軍，結果吉慶圍遭到炮轟，其鐵門更被英軍掠走當作戰利品，連同泰康圍嘅鐵門一併運回英國。至於《展拓香港界址專條》嘅由來，沈就指八國聯軍攻入北京，清政府同英國所簽訂嘅不平等條約。但隨即有網民留言指出，專條簽訂嘅日子係1898年6月9日，而八國聯軍入侵則係1900年嘅事！

強調大家要「懂歷史」嘅沈豪傑話，有關嘅歷史係已故嘅外公講畀佢知。之不過人嘅記憶未必可靠，沈要講好「香港故事」時，最好先核對一下相關嘅歷史檔案，否則貽笑大方就無謂啦。