政情：麥美娟請食「喜餅」 新郎哥是誰？

Alice轉咗跑道，唔做議員而入咗「熱廚房」，尋日首次以民政及青年事務局局長身份出席立法會大會，由以前質詢官員，掉番轉頭畀班議員質詢，雖然唔知佢有乜嘢感受，但會後Alice就同一班舊同事，如葛珮帆（EQ）、陸頌雄、張宇人、易志明等人一齊食「喜餅」，恭喜佢終於嫁得出，係話佢嫁咗畀政府呀！

之不過，議員郭偉强就認為Alice係嚟派「散水餅」，仲係來得好及時添。不過無論點都好，EQ話雖然角色唔同，但情誼依舊，服務香港之心同樣熾熱，又祝願佢帶領嘅團隊同議員建立更好嘅合作關係，一齊為市民嘅福祉做得更多、更好。