昔日東方政情：𥄫實血壓好緊要 葉劉雙手戴錶
為免妨礙慣用手嘅活動，一般人戴手錶通常係戴左手腕；如果係左撇子，就會戴右手腕。行政會議新任召集人葉劉淑儀，尋日同特首及其他行會非官守成員見傳媒，就被發現佢左、右手腕都戴上手錶！點解葉劉要戴兩隻錶呢？
一隻智能錶 一隻睇時間
原來葉劉左手腕係戴普通嘅女裝錶，純粹用嚟睇時間；而右手腕戴嘅就係智能手錶，作用係監察身體狀況。佢話智能手錶可以量血壓、記錄如睡眠等身體資料，尤其係遠足或行山等活動嘅時候，佢一定會佩戴智能手錶，話可以睇到身體嘅數據喎。換言之，葉劉咁做不過係注重健康嘅表現。
佢又話近年工作時已一直佩戴兩隻手錶，即使開立法會都係戴兩隻錶，話隨時都知道血壓係點喎。照佢咁講，莫非議員討論激烈，好容易令人血壓升高？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
