政情：派對合照冇口罩洪為民又犯禁？

「洪門宴」係洪為民嘅生日派對，喺流出嚟嘅相可見佢係冇戴口罩唱K，依家喺社交平台又係話生日，應該祝朋友生日，而呢張相佢都係冇戴口罩。竟然冇吸取教訓，又再重蹈覆轍？難怪會嚇親網友。跟住佢就回應話「N年前喔！我退休都兩年啦！」意即呢張相係好耐之前影嘅，至於退休，佢着緊嗰件西裝有交通安全服務隊嘅徽號，而佢曾任交通安全隊總監，任期去到2020年，即係退咗休兩年嘞！而喺舊年佢轉咗做榮譽總監。

相信大家仲記得，呢場風波係因為生日派對後有人染上新冠肺炎導致事件曝光，更揭發部分人違反「口罩令」同冇使用「安心出行」，其後政府對涉事嘅15名官員進行調查，而喺公布調查報告前，涉事嘅前民政事務局局長徐英偉已經主動辭職。