昔日東方政情：冇同何俊賢除罩互動 EQ：議員們唔使檢疫
漁農界議員何俊賢（高佬賢）日前確診，雖然佢冇參加7‧1官方活動，但喺6‧30曾與一眾議員合照。屬同一政黨嘅議員葛珮帆（EQ）估計高佬賢正在家隔離，該黨亦曾詢問過有關當局，由於高佬賢冇出席7‧1活動，而喺酒店檢疫期間，亦冇除口罩同其他議員互動，故其他議員不被視為密切接觸者，毋須檢疫。
EQ仲話出席7‧1活動嘅議員同嘉賓，喺活動結束後一周，仍須每日做快測同量體溫，佢尋日嘅快測結果並冇感染病毒。
李浩然議辦職員中招
另外，立法會秘書處尋日亦收到一宗確診個案，係議員李浩然議辦嘅一名職員經快速檢測後，結果係染疫，而該名職員最近返回中信大廈13樓辦事處嘅日期係6月30日；最近接觸李浩然嘅日期係6月22日，李同其他辦事處職員已進行快速檢測，結果係冇感染病毒，而立法會累計確診個案為302宗。
而喺評估感染風險後，秘書處已安排消毒中信大廈13樓有關地點，包括李浩然嘅辦事處同佢嘅房間及公眾地方。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
