政情：林振昇轟社會矛盾深 基層灰暗

點解會搞到咁？林振昇話香港經濟多年嚟都係依靠「四大支柱」，即係金融、旅遊、貿易及物流、專業及工商業支援服務，然而旅遊業受疫情衝擊幾乎「死咗」，連帶飲食業、零售業嘅營業額一同下跌，加上外判制度，令依家嘅前線員工面對更多就業問題。

佢話雖則政府喺2013年開始着手解決貧窮問題，之但係「在職家庭津貼」、「租金援助計劃」等都係幫得少少，新政府上場一定要加快解決基層問題。佢以最近嘅公務員薪酬趨勢調查報告為例，話各項指標都有升幅，如果最後公務員可以調薪，但最低工資就冇調整嘅話，就真係講唔過去喇！